Talash ......Ek Aur Talash..!!!!
Aaj fir main tanha rah gaya,
ek aur armaan aanson k saath bah gaya,
dil ne jise chaha wo paraaya ho gaya,
parchhaai ki tarah andhero mein kahin door kho gaya.
aakhir kyun hum itni jaldi bebas ho jaate hai,
kyun bina soche samjhe kisi ke sapno mein kho jaate hain,
har baar chot aur dard hi paya hai,
fir bhi har waqt ye dil pyaar k nagme hi gaya hai,
ab is pyaar pe vishwaas hi nahi raha,
aaj tak koi nahi mila jisne dil se mujhe apna kaha,
talash...talash.
sagar mein kinare ki chaah liye lahro ke saath baha hoon,
har baar saahil mera saath chhod deta hai,
koi aur teri manjil hai...kahkar dil to tod deta hai.
ek sagar hi hai jo hamesha saath nibhata hai,
dost bankar rahta hai,aur muskurahato ke phool khilata hai,
kabhi sochta hoon,sagar saahil se kahin achcha hai,
dhoka de deta hai har baar ye saahil,lekin sagar ka pyaar sachcha hai.
sagar ke saath aaj fir niklta hoon,
ek baar fir apni raah badalta hoon,
saahil ko to is jeevan mein pana hai,
apna aur dard ka rishat purana hai,
ek baar fir aage koshish karte hai,
pyaar ki raah mein aage badte hain,
aaj nahi to kal mil jayegi,
meri manjil kab tak mujhse bach payegi......
